內地歌手張靚穎喺今年4月傳出同老公馮軻離婚，但係當事人未有回應，不過噚日張靚穎喺微博晒出一份合約嘅截止日期，列明係今年8月27日，佢仲留言：「明天起，一切從一開始。」
張靚穎同老公喺09年開設經理人公司，𠵱家突然喺微博宣佈個人經紀合約完結，唔知係咪同馮軻婚變有關。其後有內地傳媒聯絡馮軻，但佢就稱開緊會而掛斷電話。
撰文：馮仁昭