當年今日
關於我們

【益咗潘頓】如意算盤打唔響!郭能焗棄「一手湊大」馬

蘋果日報 2018/10/03 07:56

郭能潘頓高伯新姚本輝馬奇財問鼎高峰

40歲愛爾蘭籍騎師郭能,今季暫時只得一場頭馬,並來自姚本輝旗下「馬奇財」。
今晚(3日)谷戰「馬奇財」勝後再出續配郭能,角逐第四場四班1200米,抽得2檔好位,擺明希望喺贏馬路程連捷。
同場高伯新隻「問鼎高峰」可以話由郭能「一手湊大」,服役至今三場頭馬都係由郭能建功,今場賽前兩課大閘亦由郭能操刀,操到火紅火綠卻換潘頓出賽,背後原來有段故。
今晚有兩場四班1200米,在當初報名表公佈前,郭能同時book定「馬奇財」同「問鼎高峰」,如果兩匹馬不同組出戰,郭能就可以騎晒兩隻。
偏偏如意算盤打唔響,兩匹馬要喺第四場正面交鋒,郭能唯有作出取捨,佢話「馬奇財」上場贏馬走勢有說服力,加分後留喺四班惡氣十足,所以選「馬奇財」。
至於「問鼎高峰」試閘刻意按實走勢不差,此駒贏過三班同程1200米,目前已由最高73分減至59分,重返四班作賽有利,郭能有冇揀錯,真係要跑過至知。
高伯新反應亦好快,一知道郭能唔揀「問鼎高峰」,立即搵潘頓接手,戰鬥力隨時更強。