郭晶晶自從嫁咗畀霍啟剛，再生埋囝囝囡囡之後，都一直專心相夫教子，之前佢哋就同囝囝中曦一齊去賣旗，霍啟剛都有現身。

至於喺仔女嘅眼中，郭晶晶話希望做一個普通嘅媽咪，冇俾過一對仔女見識下佢歷年嚟贏落嘅金牌，只係俾仔女知道以前自己係跳水運動員。（新聞連結： https://bit.ly/2M26PNM ）郭晶晶仲話有諗過生第三胎，但要順其自然，結果呢個機會好快到，因為佢俾人見到同霍啟剛去泰國二人世界，可能就係趁機會「自然」一下。

有二人世界，都要有獨處時間，日前郭晶晶就單拖喺銅鑼灣行街。當日見到郭晶晶喺銅鑼灣現身，已經拎住一大袋戰利品，可能行得有啲口渴，去咗咖啡店買咗一杯凍飲，唔知佢係趕時間呢，佢冇選擇坐低飲，拎走邊行邊飲，之後就行咗去馬會攞車離開。

精選娛聞，喺晒《娛果》
http://fb.com/appledailyent