噚日天寒地凍，馬會如期喺跑馬地馬場露天廣場舉行「識低碳，創煮意」烹飪比賽，九個參加者角逐「廚神」寶座，評判之一立法會議員余若薇未食餸，先食風，飽嚐寒風冷雨，笑言如果可以，寧願食咗個暖爐、煮食爐取暖。
凍冰冰天氣下面對美食，難得余若薇胃口仍然唔錯，大讚九個參賽者廚藝都十分了得，建議馬會可以同時聘請九人，喺馬會餐廳推出九款低碳菜式。
低碳煮食可以為環保出一分力，余大狀話市民普遍認同香港空氣污染情況嚴重，市區情況更差，中區路邊空氣污染成日處於高水平，「我每日喺中區返工，就等於慢性自殺」。