武漢肺炎爆發第三波，港府勒令食肆暫停晚6朝5堂食， 香港 人為避疫都減少外出用膳，不過，王馨平（Linda）和老公李家輝就無懼 疫情 ，日前到金鐘的酒店嘆brunch buffet，被讀者李先生透過「爆相爆片」分享。Linda全程負責出去攞食物，對老公服侍周到，果然是100分老婆。

李先生接受《蘋果》電話訪問表示，當日下午約2時許，在酒店餐廳見到Linda，李先生形容：「淨係佢出去攞嘢食，奇怪佢老公全程唔郁。」從讀者提供相片見到，51歲的Linda着牛仔工人褲紮馬尾，打扮casual，胸前掛了空氣清新機，與老公撐枱腳飲香檳，出去拿食物時就戴回 口罩 ，李先生說：「因為大家一企喺身，侍應都叫戴口罩，佢哋坐足4個鐘，王馨平不停出去攞嘢食，冇乜人留意佢哋。」

對於疫情下仍到酒店食自助餐，Linda以短訊回覆《蘋果》：「老公鍾意食嗰間酒店的buffet，佢哋餐廳嘅食物準備得好嚴謹，我哋成日幫襯，唔會擔心。」

憑《別問我是誰》走紅的Linda，以前曾跟鄭嘉穎拍拖，惟因父親王羽反對而分手，2001年Linda跟拍拖1年、任職金融界的李家輝閃婚。今年是Linda和老公相識相愛20周年，她曾透露兩人沒試過婚姻危機，更甜蜜表示「嗌交次數唔夠10隻手指」。