反佔中聯盟今次出錢出力，有錢收又有米派；力方面，除咗搵人企街站，仲有「強迫」中資員工聯署疑雲。不過有啲人，係主動支持反佔中，除咗之前提過嘅山雞政協陳小春、莊思敏、馬蹄露、陳敏兒廖啟智、自稱係「香港爸爸」嘅李力持，同埋被高志森形容為「香港的女兒」嘅馮寶寶之外，仲有佢——何家少爺何猷啟。

何猷啟於網上貼出反佔中宣傳單張，並寫道:「反佔中！支持普選！」有埋簽名。

撐反佔中，就真係有普選？面對近80萬人投票、51萬上街要求公民提名，港府向中央提交報告，卻將數以十萬計支持公民提名嘅意見，形容只獲「不少香港市民」支持，而北京鍾意聽嘅意見，就係「主流意見」，擺明假諮詢推假普選。反佔中，真係會有香港人想要嘅真普選？