【新增動新聞】
今個星期英超最強戲碼，必定是熱刺對利物浦這場「Big 6」對碰。目標清晰明確要奪英超冠軍的利物浦，開季四戰全勝士氣如虹，但要作客對住另一支勁旅熱刺，連勝或會受到阻礙。何Wayne估計高路普會複製上場作客對李斯特城的風格，讓熱刺控球在腳，再部署反擊。「熱刺每次對強隊，控球時間太長都冇乜好結果。我估計個格局，有可能係利物浦一開波反而唔壓迫，由得熱刺用波。」何輝則認為紅軍會「踢番自己家波」，況且對手並不是如全盛時期的巴塞等超級球隊要非守不可，所以都會沿用之前贏波的壓迫風格去踢。

利物浦之後要在歐聯賽事迎戰巴黎聖日耳門，被問到會否收起部份主力，何輝斬釘截鐵的說：「即刻答你，唔會，因為佢哋要攞英超冠軍。」他認為利物浦雖然作客，但勝算較高，事關熱刺在今季的賽事裏，九十分鐘裏總有一段長時間球員是力不從心，他說：「可能係啲球員有啲攰，又可能同個班底唔夠厚有關。我估今場0:2或者1:2啦。」何Wayne也預計利物浦淨勝兩球：「利物浦入波嘅機會好大，同埋早入波嘅機會好大。」

--------------------
荷蘭橙衫軍大舉進駐BFB CHAMPIONS 2.0！荷蘭球星機率 7 倍UP！立即下載 http://bit.ly/2xrTKGM
--------------------
《體蘋果》陪你睇波講波
https://www.fb.com/appledailysports