人妻張苡澂今日喺西九龍中心為《第二屆icebabe》見面會擔任嘉賓，現場八位參賽者樣貌有啲驚嚇，但大部份均自稱為模特兒。

雖然樣貌未算太出眾，但各人均各出奇招，其中上圍達34D、較豐滿嘅2號Ivy自言已刻意拉低背心，問到係咪以其上圍成功搶鏡，佢話：「入面個個都好勁，我唔覺得有咩特別優勝。」而身為嘉賓嘅張苡澂竟表示質素唔錯，又坦言部份身材豐滿，問到可否冇樣貌，佢話：「樣好當然更加重要，不過以才華為主。」