韓國天團BIGBANG嘅29歲成員T.O.P今個月頭被爆去年10月喺寓所吸食大麻，同場更有女練習生韓瑞希，事件爆出後令正在服役嘅T.O.P深受困擾，佢更因違反《毒品管理法》遭不拘留起訴；同時被革除義務警察身份，被調職至第4機動隊，但因為佢現身時臉帶微笑而遭網民炮轟佢唔知悔改。

T.O.P疑因飽受壓力而服食過量藥物昏迷入院，其間要喺ICU接受治療，而上周五佢已離開ICU，轉到其他醫院接受精神方面嘅治療。根據T.O.P所屬嘅YG事務所透露T.O.P至少要接受治療兩個星期，現時T.O.P就仍然休養緊，不過佢一向係Instagram控，自從開通Ig後，幾乎日日都更新，直到入伍後先冇得玩。

但係0依家佢正在休養緊，玩下Ig都可以放鬆吓心情，不過佢就唔係更新自己狀況，反而就會睇吓人哋嘅Ig內容，當中佢就被網民發現佢對一個外個dancers嘅Ig讚好，網民仲好玩截咗圖，但係就惹來各方網民唔同反應，有粉絲見到T.O.P終於收拾心情玩吓Ig自然大感安慰，但有部份網民就覺得T.O.P應該繼續為事件反省，最終T.O.P為免麻煩就取消讚好。