口罩小姐「阿姨」逆市接Job增收入 唔介意着內衣晒身材
蘋果日報 2021/06/17 18:28
口罩小姐徐蒨寧胡曦文文雪兒
口罩小姐亞軍「阿姨」徐蒨寧、胡曦文（Christy）及文雪兒，今日去到灣仔出席美容活動。
本業是化妝師的阿姨透露，疫情確實影響生意，所以她參選口罩小姐覓出路，對於獲選亞軍後，其化妝生意未有提升，她說：「化妝界同演藝界係兩回事，仍然會繼續努力，只係而家多咗出路，以藝人方向發展。」阿姨表示最近有接代言、廣告等工作，對於接廣告有否底線，阿姨說：「要以健康為主，我背負口罩小姐使命，又係媽媽，搵我嘅商戶都好健康。着內衣騷身材唔介意，健康就可以。」
任美容產品代理的Christy表示，她甚少去美容院做Facial：「我1年最多去一次，更試過隔2、3年先幫襯1次，因為去一次冇咗成個下晝，不過每次去都好享受做阿太待遇，普通清潔就自己喺屋企搞掂。」Christy透露計劃買一部按摩機，她表示曾學醫療按摩，懂按穴位：「其實我學係想教佢（男友）幫我按，想條腰幼啲影泳衣相。」
阿姨表示贏得口罩小姐亞軍後，未有對其化妝生意有幫助。
怕着三點式的胡曦文，自嘲思想古老。
-----------------------------