當年今日
關於我們

47民主派還柙@赤柱|昨日撲空 岑敖暉妻子朱凱廸妻女今日終能探監

蘋果日報 2021/03/25 21:41

赤柱監獄47民主派還柙

47名民主派人士因參與初選而被警方控以「串謀顛覆國家政權罪」,當中4人包括林景楠、劉偉聰、楊雪盈及呂智恆昨晚獲准保釋,另外11人今早在高院提堂,餘下32人目前分別被扣柙在荔枝角收押所、赤柱監獄、羅湖懲教所和大欖女懲教所。惟接近一半男被捕人士,包括朱凱廸、趙家賢、鄒家成、岑敖暉等人,昨日在家屬不知情的情況下被轉到高度設防的赤柱監獄關押,令她們撲空。

鄒家成被獨立囚禁 友人:探監人數多等候時間較長

早上8時20分,岑敖暉妻子余思朗偕兩名友人到赤柱監獄探望岑敖暉及鄒家成,三人大包小包,為岑鄒二人帶來書本和生活用品。余思朗帶來的日用品,包括牙膏、牙刷、紙巾、口罩和零食等。她指,因為下星期或要再上訴,上訴時需攜帶全部個人物品,為免丈夫累贅而不帶來限額上限的6本書。
鄒家成友人則指為鄒帶來超過6本書,包括數本佛教書籍。各人神色凝重,未有講太多。至於鄒家成日前在法庭不適送院,現場身體是否安好?友人僅點頭稱還可以。
中午12時半左右,鄒家成兩位友人逗留大約4小時後離開赤柱監獄,他們指今天入內探監人數較多,等候時間較長,又稱鄒現時獨立囚禁,精神尚可,之後未有回答記者提問便急步離去。至下午1時,逗留逾4小時半的岑敖暉妻子余思朗亦離開,未有多言丈夫情況。
empty
鄒家成兩位友人(左及中)逗留大約4小時後離開赤柱監獄。
empty
早上9時許,朱凱廸太太區佩芬帶同女兒和一大包生活用品到赤柱監獄探望丈夫。

朱凱廸太太指懲教署安排混亂

另外,朱凱廸太太區佩芬亦帶同女兒亦於早上9時左右抵達赤柱監獄前,當時他們手上手持一大包生活用品前來探望。至下午約3時,區佩芬終由赤柱監獄離開,她向記者表示,懲教署安排極為混亂,自己和女兒由早上9時等至下午2時半,方能見朱凱迪15分鐘,「等到好唔耐煩,我喺度等左好耐,應該有啲遲過我地嚟嘅都走咗。」
朱太指後來向獄方查詢,獄方回應因朱凱迪的探監名單上,沒有女兒的名字,所以需時處理,令朱太大惑不解,「冇理由,後來我問番我先生,佢都話應該有加,咁我唔知邊度出錯喇!」朱太指自己一早來到,和女兒僅吃了早餐醫肚,現時十分肚餓,「我哋登記嗰陣9點01分,到我等車出番嚟都成2點50分啦,再加埋我地住得遠,真係好折磨人!」
雖然等候多時,但朱太指見到丈夫一刻仍是滿心歡喜,「我哋跑去睇佢,好開心,見到佢(朱凱迪)都笑住同我哋講,『最緊要你哋嚟睇我』,所以無論路程幾遠要等幾耐,我都一定會不斷嚟睇佢,唔同嘅朋友都會!」但笑言朋友們需要有心理準備在等候室長期作戰。

朱凱迪單獨囚禁感辛苦 太太:預備申請到集體監倉繼續還押

她又形容朱凱廸精神不俗,昨天未能拿到的物資和生活用品,今天大致已得到,僅剩剃鬚刀需要另外申請。朱太指朱凱廸十分熱愛閱讀,已替他預備25本書。但現時朱是單獨囚禁,朱太獨立囚禁十分辛苦,「佢哋嘅講法就係保護,但係真係好難頂」因此朱凱廸和其他被還押的人士亦都預備申請到集體監倉繼續還押。
最後朱太引述朱凱迪勉勵戰友和香港人,「要保持愛同希望」,指自己一直被人感覺堅強,亦是受朱凱廸影響,「如果佢承受到,咁我都可以同佢一齊承受!」
empty
岑敖暉妻子其後在fb更新探望情況,指岑精神不錯。
岑敖暉妻子其後在fb更新探望情況,指岑精神不錯,只是沒有剃鬚數天,而且監獄內沒有書看,亦未知過去數天審訊時所發生的事,高呼好悶,呼籲市民可以寫信給他,內文如下:「剛在赤柱監獄探望了暉,感覺是隔左好耐好耐之後終於可以傾到計(平時慣左咩都同佢講,而家就隨身帶住本簿,想講就寫低,一次過寄了四封信給他)。他精神不錯,只係幾日冇剃鬚,好長。(當然我老公仲係好靚仔🥰)佢話好想知過去幾日審訊個陣發生咩事,叫我印左寄去比佢睇(因未有報紙睇),又未有書睇,佢大叫「好X悶啊!!!!!」大家可以寫信給他,他會好開心。本來以為見到佢會喊到豬頭咁,但見到實在太太太開心,仲有講有笑,我哋用消毒紙巾係玻璃上互畫心心,好開心終於見到佢,我會加油,撐住。」
至於林卓廷的fb亦更新林卓廷母親今天探望的情況,指她今日雖然只見到林15分鐘,但已感覺開心,內文如下:「廷媽去赤柱監獄探望廷仔,要一個老人家自己長途跋涉去探個仔確實唔容易。好彩黨入面嘅兄弟陪住廷媽,仲車埋佢過去探廷,小編在此感謝所有肯伸出援手嘅朋友。據了解阿廷同其他同案人士一樣要單獨囚禁,但唔使太擔心佢,因為佢一向硬淨。有好多人問可以點寫信俾佢,請大家俾啲時間我地團隊傾下個安排,有update再通知大家」。
囚權組織「石牆花」昨日(5日)曾在facebook專頁引述消息稱,赤柱監獄已清空醫院及J Block至少20間房,以單獨囚禁所有因民主派初選被告。懲教署回覆查詢時,表示署方不會就個別個案作出評論,僅指根據法例,如在囚人士主動提出要求保護,管方會按實際情況和需要作出分隔安排。
empty
empty
林卓廷母親今早到赤柱監獄探望兒子。林卓廷fb圖片
-----------------------------
你敢爆,我敢獎! 立即Signal 63836568、WhatsApp 《蘋果》24小時爆相爆片熱線
或致電:63836568
-----------------------------
《蘋果》英文版免費試睇:了解更多
英文版已登錄《蘋果》App,立即下載/ 更新iOS / Android
-----------------------------
支持蘋果深度報道,深入社區,踢爆權貴,即Like蘋果專題及調查組FB專頁