黃翠如、馬志威今日喺中環九號碼頭為保育探險船訪港進行歡迎儀式，翠如早前同女性友人一齊旅遊，享受姊妹的浪漫，之後又同屋企人去杜拜享受家庭樂，仲喺沙漠中留倩影被激讚，但偏偏就冇男友蕭柾南參與。

翠如經常撇甩男友，蕭正楠病咗都冇人理，只可同好兄弟曹永廉互相扶持，搞到蕭正楠公開投訴，返港後點補償男友先？翠如話：「冇㗎，佢好番好多啦，好番帶佢去玩啦。」

好友梁嘉琪和商台監製男友金志堅分手，翠如話：「嘉琪o依家去咗旅行，佢好堅強好得人愛，唔使擔心，佢會好好。」會唔會介紹男仔俾佢？翠如話：「佢好多人愛，之前係太忙碌，o依家好用心咁玩緊。」翠如唔擔心自己太忙而甩拖，仲話：「要走都避免唔到，不過佢驚多過我驚啦，我成日都唔喺香港。」

精選娛聞，喺晒《娛果》
http://fb.com/appledailyent