鄭中基（Ronald）今日去到香港大學，出席講座分享幽默感的好處，現場兩位主持安排模擬美女廚房，讓鄭中基試食港大三間餐廳的美食。

鄭中基指學生想他分享幽默感對認識女仔及工作上的好處，他說：「其實我識老婆都唔係因為幽默感，係因為靚仔，冇其它。」Ronald認為幽默感可以分為天生及冷笑話，他說：「其實爛gag都有好笑嘅地方，而且都係想氹人開心。」Ronald認為最重要有正面想法，不建議人身攻擊的笑話。

Ronald表示忙於拍電影《遺愛》，隨後五月要做巡迴演唱，9月開拍《龍咁威3》。Ronald指最近太太專心鑽研烹飪，指其烹飪技術提升不少，他說：「好多餸都好好食，可以綁住我個胃，順便可以幫我增磅，因為喺《龍咁威3》要去光顧基基揼邪骨，自己要大隻番10幾磅，其實唔難，因為上次都增咗30磅。」

對於陳奕迅（Eason）早前出席大學演講時，在場同學玩電話，感到不尊重，Eason邀請同學離開，Ronald說：「如果面對同樣情況，我會玩埋一份，一齊loop囉，如果人哋咁啱屋企有事咁點，叫人出去唔係咁好，會叫佢攞埋出嚟開心share。」對於會否覺得不尊重，Ronald說：「喺呢個年代唔覺得有乜問題， 我唔信佢（Eason）開會嘅時候冇攞手機出嚟loop，而家呢個年代冇所謂，如果10幾年前攞部大牛龜出嚟，講就係唔尊重。

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

《動腦Q》周末主題夜
追加星期六、日 9:30 pm
星期一至五 10:30 pm
Day Day Q the money!
https://hk.adai.ly/veCxssynnV