NBA當家球星拜恩同前拍檔奧尼爾不和嘅傳聞甚囂塵上，咁多年嚟都已經無乜新意，咁啱Kobe近日就喺巨無霸一個podcast節目做嘉賓，呢個節目會喺下個禮拜一出街，又咁啱有關嘅訪問又有文稿流出，話呢兩位曾經合作贏過三次總冠軍嘅拍檔，都好後悔當年咁衝動喎。

奧尼爾係咁講嘅：「當時講嘅好多嘢都係火遮眼，我可以話你知，其實講過乜依家好多都唔記得，因為我依家諗嘢嘅方式唔同咗。其實我哋喺四屆總決賽贏過三次冠軍，仲有乜嘢可以挑剔？」至於拜恩就話：「當時所講嘅說話，係真心咁諗嘅，但人大咗，睇嘢嘅角度唔同咗，你就會諗『嘩，唔X係呀，我細個果陣真係一個傻仔』。其實好多嘢唔使同傳媒講，我哋係有過爭執，但同傳媒爆響口真係唔應該嘅，咁令到我哋同球隊都面對好大壓力。」

節目就出街，Kobe同奧尼爾忽然和好，唔知係咪真係咁啱呢？