由孔劉、金高恩、李棟旭主演嘅人氣韓劇《鬼怪》噚晚播出第七集，金高恩終於證實自己係鬼怪新娘，因為孔劉對佢終於動情，金高恩亦成功握到孔劉把劍，就喺拔劍時孔劉卻突然推開金高恩，險些出事。

而噚晚一集收視繼續保持雙位數，有12.297%%收視。今晚播出第八集將會講到二人感情更進一步，金高恩因為受驚暈倒過來，又同孔劉講自己係命中註定嘅鬼怪新娘，預告中孔劉決定向呢段初戀告白，只見佢同金高恩都淚流滿臉，唔知乜事咁傷心。而李棟旭望住金所炫幅畫像就好傷心，但係佢唔記得自己前世。

另外，孔劉同金高恩打低全智賢同李敏鎬成為12月廣告代言人評價嘅冠亞軍，全智賢得第三名，李敏鎬第四名。