羅敏莊噚日為無綫《新派煮意》做嘉賓，講到佢因為有工作撞期而不能擔任勁歌總選嘅司儀，佢話：「其實我上星期已經問，但係當時未知道，到我接咗做舞台劇之後先知道預咗我，我都好可惜冇咗呢個機會。」佢仲話：「聽講曾志偉有份做司儀，我之前聽王祖藍話同志偉合作過之後，學咗好多做司儀同主持嘅技巧，冇咗個機會同志偉合作真係好可惜。」