日本樂壇天后濱崎步多年來都穩坐avex一姐寶座，佢今年都以一姐姿態出席暑期晒冷騷a-nation，仲一連兩場大阪站演出都傾盡全力，噚晚仲首次同過氣樂壇教父小室哲哉首次同台。

雖然步姐同小室曾多次合作，但原來台上演出都係第一次，今次仲搵埋同步姐情如姐弟嘅AAA成員浦田直也同台，三人演繹當年以小室為首嘅三人組合globe，步姐代替女主音KEIKO獻唱經典名曲《DEPARTURES》，打扮性感嘅步姐例牌低胸上陣，又大唱小室家族當年名曲，而小室仲拎出手機喺台上不停自拍。