【本報訊】選情一直處於劣勢的特首參選人葉劉淑儀，昨首度公開表明距離入閘門檻「差好多票」，呼籲已夠票入閘的特首參選人「大方啲」，不應盡取提名後，排除其他參選人入閘，「若有膽面對競爭，應該自己唔好攞咁多票，畀第二啲人都可以加入」。有傳希望盡取得過半數選委提名的林鄭月娥則隔空回應葉太，指「不存在話點樣攞到夠就唔好攞（提名），呢個係公平競爭嘅選舉」。

籲夠票者「唔好攞咁多」

3名特首參選人曾俊華、葉劉淑儀和林鄭月娥，昨先後與公屋聯會10多名選委閉門會面，公屋聯會會後表示，選委不會綑綁提名。葉劉會後不點名呼籲，已夠票入閘的人不應再「搏命」拉票，「我覺得有啲候選人根本已經入閘，就唔應該攞咁多提名，如果有候選人大方啲，有膽面對競爭，應該自己唔好攞咁多票，畀第二啲人都可以加入」。
葉劉又指，至今仍未有一個公開辯論，「有候選人可以唔攞政綱出嚟，即係唔需要承諾任何嘢啦，唔參加辯論、唔暴露自己實力，咁就排除別人，我覺得唔係幾好囉」。對於有傳林鄭希望盡取過半數選委提名，葉劉批評有關做法是將「提名變選舉」，做法十分不公道，因為提名要開名，令很多選委怕得罪人，又首度表明自己距離入閘門檻「差好多票」。
林鄭會後隔空回應葉劉，指自己見每個界別時，「都無主動去要求爭取提名」，「並不存在話點樣攞到夠就唔好攞，呢個係公平競爭嘅選舉」。問到最快何時遞交提名時，林鄭說：「都要下個禮拜」，聲稱暫不知取得多少提名。
被問到是否因為害怕競爭，才盡取提名時，林鄭月娥表示她不怕競爭，認為今次特首選舉是「好好機會透過辯論，或者同唔同界別解說，或者同傳媒分享，令社會更加掌握呢啲（社會關心）議題」。但被問到提名期結束前，會否與其他參選人同台辯論時，林鄭拒作回應立即離開。
■記者林俊謙