由此可見林鄭一方那種把建制派、大孖沙一類既得利益者傾囊而出的造勢會,只會越做越衰,只能進一步強化她那離地和與民為敵的形象。
而且,唉,如你也有看那個造勢會,那種徹頭徹尾的土氣,那種畫虎不成反類犬,確是挑戰中產和後生仔對品味的底線。
我知你想話畀人知你同年輕人打成一遍,但真的不是叫幾個細路做佈景板,無情情同人high five就扮到。我知你要親民,唔敢着旗袍套裝,但你套競選制服可唔可以着得型仔啲?下身竟然穿西褲皮鞋?你知道後生仔崇拜Steve Jobs,你都唔使學佢在台上行來行去講嘢㗎,可知此幕由你來東施效顰確係尷尬到唔恨。
想知乜嘢叫品味?可以參考薯片的campaign,Mary的朋友不少就係因為鍾意佢啲相夠型。至少,也可以參考胡官,恰如其份,不慍不火,呢啲品味叫問心無愧、叫勇者無懼。
彭瑪莉
mailto:
[email protected]