湯唯上個月25日先生完女，噚日就同韓國導演老公金泰勇喺中環嘅德成大廈。無事不登三寶殿，呢座德成大廈喺香港著名嘅醫生大廈，16層樓有14層都有專科醫生，好似骨科、心臟科、牙科、同物理治療咁，而啱啱生完嘅湯唯好有可能去咗搵婦產科醫生。

呢棟醫生大廈似乎能醫百病，大美人林青霞上年就試過冒住雨，同好友陶敏明喺置地行完街，再去咗呢棟醫生大廈。已經為老公陳國坤（小龍）生咗B仔嘅黃伊汶（Emme），上年未公佈陀B時，就着過鬆身裙同平底鞋去醫生大廈，被指都係去睇婦產科。

另外，港姐葉翠翠嘅母親一直受腎病困擾，07年嘅時候就俾影到翠翠帶住母親，去過德成大廈搵外科醫生林孝文求診。但葉翠翠母親始終不敵病魔，前年病逝。