【李八方online】社運「王婆婆」自製電子聖誕卡報平安 籲港人「Be Safe」
蘋果日報 2019/12/18 19:16
聖誕卡李八方ONLINE王婆婆反送中抗暴之戰
久未露面的王婆婆向大家送上自製聖誕卡。
大家集會遊行成日會見到揮英國旗嘅「王婆婆」王鳳瑤，8月於太古警方清場行動中被帶走之後，曾經幾個月時間音訊全無，令唔少港人擔心。臨近聖誕，雖然仲未見到王婆婆露面，但近日有社運界人士就收到佢嘅報平安E-mail，並附上自製電子聖誕卡祝福香港人，十分窩心。
上月臨近區議會選舉，王婆婆曾經以電郵回覆《立場新聞》，提到佢當時喺深圳取保候審，每晚噩夢係重回看守所，而自己一張選票化作廢紙，呼籲港人代為加油，記得要監票留守。
而今次電郵，王婆婆就寫上「I am not bad」報平安，又表示衷心祝福所有香港人，附上一張自製嘅聖誕卡，畫有聖誕樹、笑笑口嘅黃傘，又寫有「民主、人權、自由」等願望，以及「Be Safe」。
對上一次王婆婆公開露面，係8月11日港島東大遊行，夜晚警方清場時，王婆婆喺太古港鐵站C出口外被警員帶離現場，自此缺席所有示威行動。
王婆婆自製電子聖誕卡祝福香港人。社運人士提供圖片