36歲嘅余文樂今日喺IG貼咗同台灣女友王棠云（Sarah）喺墨爾本嘅婚照，正式宣佈封盤做人夫。消息傳出後，唔少圈中好友都留言祝賀。

因為事出突然，唔少網民都對樂仔封盤一事覺得驚訝，祝福之餘，有網民仲話會幫手照顧彭于晏，不過原來彭于晏喺現場睇住好友結婚兼且仲笑得好開心，所以大家唔使擔心！

樂仔嘅好友黑人，今日喺台灣接受訪問亦都話：「這樣很好啊，以後他來台灣就不用偷偷摸摸的，我覺得他也是心理面決定好了才公布，很替他開心。」但係佢話自己都估唔到樂仔會喺o依家結婚：「我本來以為他會晚婚，因為看他帥帥瀟灑的，而且他又是香港元朗出身，比較刻苦，相信他之後對家庭應該會很付出，他又很孝順，他去工作時，父親也會跟著一起」。

黑人話樂仔同王棠云拍拖之後，覺得佢改變咗好多，變得更加有家庭觀，成個人感覺好幸福，至於會唔會覺得樂仔係奉子成婚？黑人就話：「他還算蠻保守的，但不要問我啦，要問當事人。」

曾經喺電影《狂獸》同樂仔合作嘅文詠珊（JM），得悉樂仔今日結婚，透過短訊回覆：「恭喜恭喜！祝福他們永遠幸福快樂！Wyman亦都喺IG轉發佢哋結婚相兼話：「余生請你指教，恭喜余太！」