周日英超矚目大戰，由曼聯主場對愛華頓，最大賣點係兩軍前鋒盧卡古同朗尼倒戈；「月巴」更加自2003年，以非曼聯球員身份喺奧脫福比賽。

2003年12月26日曼聯主場對愛華頓，朗尼當時仲係愛華頓球員，場波曼聯以3:2險勝；朗尼就冇入波，仲拎到黃牌，睇番當時朗尼仲有濃密嘅頭髮，青澀嘅面孔，點估到宜家有咁嘅成就。當時曼聯陣中係係費格遜領隊，C朗、里奧費迪南、奧沙等球員在陣，亦都可以話面目全非。