元朗區壽富街及同樂街一帶居民投訴，指近年「北姑」湧現，當街「拉客」、「議價」情況普遍，對居民帶來諸多不便，有婦女外出時被人「問價」，場面尷尬，居民盼當局正視，還他們一片「淨土」。

元朗壽富街居民投訴稱，住所附近一帶，近年有不少操大陸口音的流鶯湧現，恍如紅燈區，即使「日光日白」亦群起「拉客」，惹來一眾「好色之徒」聚集，為居民帶來不少滋擾。

「着得靚啲俾人問價」
居民廖女士稱，「每次落街都俾啲男人眼望望，有時着得靚啲重會有男人過來問價，真係好尷尬。」除了婦女有此不便外，男居民也有不少麻煩，廖女士的丈夫便曾在街上被「北姑」騷擾，「最嚴重嘅時候，會成日喺條街度俾人拉拉扯扯，幾經辛苦至甩得身，啲街坊經過見到真係好難睇，搞到佢𠵱家一落街就頭耷耷，急急腳咁行，唔敢逗留喺條街度咁耐。」
廖女士指，除壽富街外，區內其他地方亦有類似情況，「𠵱家元朗區好多條街都係咁，治安亦變差，但警方好似做唔到嘢咁。」她盼本報向政府部門反映，加強關注及掃蕩，遏止色情事業氾濫。