香港人經歷了一個難忘又艱辛的2019年，新年將至，究竟會否有一番新景象？今集《恐怖蘋台》特別請來玄學家吳佩孚師傅擔任嘉賓，嘗試以玄學角度為2020年的香港作預測。而每年除夕夜，市民習慣上街倒數慶祝，但今時今日上街，分分鐘被當成非法集結，潘紹聰便問吳師傅今年除夕上街會否安全？吳師傅說：「根據香港回歸八字，當日叫壬寅日，民眾抬頭，應該係普天同慶，似乎唔會有太大嘅打壓或傷害嘅情況出現。」

潘紹聰提到2020冧把比較特別，且諧音「異靈異靈」，是否有些特別意思？吳師傅稱2020是庚子年，庚子有君子之象，讀書人、君子會抬頭，不再被人打壓。而庚子亦有更新、改變的意思。至於根據流年飛星，吳師傅指出2020亦是好氣象：「2019年係八白星入囚，結果好多年輕人被打壓。2020年啱啱調番轉，叫七赤星入囚，七赤星又叫破軍星，破軍係破壞咗嘅意思，即一啲壞咗嘅軍隊、壞咗嘅警察就會入囚。」莫非真的會成立獨立調查委員會，去徹查警察濫暴問題？吳師傅說：「始終都係有啲天機嘅。」

之前提到庚子有更新意思，那麼2020年又會否更換特首？坊間有傳林鄭會於2020年3月落台，吳師傅則預測她有機會在立春前便退位，繼任特首也有一兩個心水人選。潘紹聰即席寫了幾位坊間盛傳的特首人選的姓氏，讓吳師傅去拆字推算。潘紹聰先寫「陳」字，作風比較低調的陳姓官員，有指已在物色班底，吳師傅說：「『陳』字似國之棟樑，參天頂柱，亦係代表元首第一嘅意思。呢個姓陳嘅官員都好大機會。」潘紹聰又寫了「曾」字，吳師傅說：「邊個曾先？『鬍鬚曾』機會好微，佢八字我睇過，佢叫從財格，最高官位去到財政司已經頂榜。至於另一個『曾』，有啲似個『當』字，當官但差一點，爭啲咁多，似乎都係大熱倒灶。」至於恨做特首恨出面的跟夫姓「葉」女子，吳師傅認為機會不大：「好難啦，出年庚子，庚金代表斧頭，葉係嫩木，劈都劈死啦點做呀！」最後潘寫了一個「唐」字，吳師傅又覺得此人有機會：「『唐』似個『庚』字喎，庚子年可能有機會做一陣噃！」