日本女星北川景子擔正嘅NTV電視台新劇《你家是我的事！》，開播時錄得12.4%收視，一直都成為今季日劇之收視冠軍，昨晚播出第9集，講來昔日巨乳女星MEGUMI客串，收視回升達12.4%，下集大結局有望創新收視紀錄。

《你家是我的事！》係北川景子婚後首套擔正劇集，今次佢犧牲靚女形象，扮演性格古怪、面容繃緊嘅超級地產經紀，不時特寫佢瞪大眼命令同事叫：「GO！」嘅搞笑場面。呢套劇集無論收視或口碑都相當不俗，電視台為進一步催谷大結局，已公開最後一集嘅預告造勢，飾演北川景子下屬嘅男星工藤阿須加，有從後擁抱北川景子嘅場面。至於飾演白州美加嘅諧星井本絢子，更疑似得米跟千葉雄大啜嘴，未知能否刺激結局收視能衝破15%。