【add名人時尚】馬詩慧兒子完成14天自我隔離 一家四口出動
蘋果日報 2020/06/17 18:00
馬詩慧addadd名人時尚
馬詩慧（Janet)、琦琦、蔡穎恩、黃俊豪、馬天佑等，昨日在尖沙咀出席時裝品牌秋冬裝展覽。Janet 和兩個女兒王曼喜、王麗嘉、兒子王躍穎一家四口現身，更齊齊由店舖操出展覽位置，氣勢十足，似足行catwalk。
Janet透露兒子由美國返港，已完成隔離：「好耐無一齊去活動，今日特登出嚟玩吓。佢之前仲響美國，嗰時大學嗰面雖然closed，但照樣online有堂上，所以到5月尾考完試，香港疫情又緩和，佢先返嚟。佢借咗朋友間屋自我隔離14日，到8月中大學先再開學，到時睇吓點情況再決定。」王躍穎在美國讀電影，希望投身演員行列，媽咪就無限支持：「自己揀啦，佢目標都係做幕前，返嚟都好勤力，日日做gym，不過，我哋都有提佢，有得讀製作、幕後嘅都要學，將來總有幫助。」
採訪：林妃
馬詩慧透露兒子已完成自我隔離，會一直留港至8月才返美。
馬詩慧一家四口出動睇展覽。
琦琦單拖出席。
黃俊豪簽約新經理人，透露8月中開始拍劇。
蔡穎恩。
馬天佑近日生日。