【本報訊】「我就係睇中單位可以當酒店出租先買，一來單位可以有租金回報，二來又有升值潛力」。惠東碧桂園十里銀灘水藍天單位被指用作酒店，搞到整幢大廈「烏煙瘴氣」，惟有港人業主直言，單位交給託管公司管理，「就算夏天旺季，都冇幾日租得出」，最近得悉有人在該大廈擁有300個單位出租，「原來俾人壟斷咗，唔怪得出租率咁低」。
港人梁先生於2015年用37萬人民幣買了水藍天15樓一個600呎單位，並與一間託管公司簽訂拆賬出租合同，業主分七成、託管公司分三成；梁先生花了7萬元，按託管公司的要求裝修及購家電，「託管公司會喺單位裝上密碼鎖，客人入住後會有一個密碼，退房後密碼會失效」。

交託管公司打理

「床上用品係要統一用託管公司嘅，包括枕頭套、被單等一共1,700元人民幣；每次出租後另畀50元清潔費」。
梁指「每日租金約400至500元，視乎季節及需求，上年成個冬天只有2,000元收入，成個夏天都只得4,000蚊，出租率好低」。
另一名港人業主彬哥去年4月將單位交給託管公司出租，「我簽嘅合同係四六拆賬，因為嗰間託管公司同去哪兒及捬程等大型網絡訂房公司合作，據講經佢託管嘅單位出租率好高，而且房價定喺580元一日，對比其他公司後就交咗畀呢間公司託管，但我個單位至今只係成功出租過兩日，冇客之下我咪經常返去度假囉」。每月都到水藍天度假兩天的彬哥指，就算夏天，都未見過水藍天有出租爆滿情況。
■記者林　熊