無綫開放非合約歌手攞獎

蘋果日報 2013/10/25 00:00


政府增發兩個免費電視牌照,電視大戰如箭在弦,上月通訊事務管理局狠批無綫違法壟斷,近期無綫成立唱片部星夢娛樂捧自己友,委任星煥高層何哲圖出任CEO,令人擔心《勁歌》頒獎禮自己友玩晒。
陳慧琳歡迎
何哲圖昨在中環透露無綫計劃明年開放音樂平台,歡迎沒合約歌手參加《勁歌》頒獎禮,他說:「2014年開始,開放音樂平台畀所有公司都有機會做挑戰歌同上榜,四大唱片都可以參與。」他又指今年《勁歌》總選採全民投票。
環球歌手陳慧琳昨日在電話說:「歡迎,因為自己冇合約,多個平台宣傳自己歌。」SONY歌手陳柏宇昨也說是好事。不過環球市場及宣傳總監譚家倫說:「𠵱家未收到無綫通知,好想知冠軍歌係咪全民投票定音統處決定?都未知無綫係咪落實,持觀望態度。」
不過,跟無綫友好的英皇CEO吳雨卻暗寸何哲圖說:「無綫冇同我哋講過,要搵一個啱身份嘅人講,唔通街邊人講又信喎。」
此外,梁乃鵬昨對於無綫成立星夢合併星煥,邀無綫高層余詠珊老公何哲圖出任CEO,二人身份令人覺得有衝突,他說:「余詠珊係非戲劇組總裁,佢請星煥歌手就係偏袒,𠵱家何哲圖係全職員工,可以講係一家親。」他指《勁歌》將公開給沒簽合約歌手參加,是良性競爭。

採訪、攝影:王連連
鄭中基@谷德昭搞笑孖寶再發功,笑彈繼續嚟!
周一至周五《亂噏24》約定你: http://bit.ly/appletalk24