韓片《殺手代父》男星元斌去年閃婚娶咗女星李娜英，12月時又榮升做老竇，不過一向深居簡出嘅佢就遲遲未有蒲頭，只係3月時出席演技學院嘅開業派對時有露過吓面。不過奶粉錢係要搵嘅，元斌上星期五就終於開工，於首爾三清洞拍攝咖啡飲品廣告，只見穿上白恤衫配西褲嘅元斌跟結婚前冇咩大變化，身型冇走樣，連髮型都一樣，唔知佢幾時開工拍戲呢？