【新增影片及更新內容】
原來不去旅行不睇戲，真的可以買到樓。

屬80後的李先生與未婚妻譚小姐，抽中39號籌，成功買入將軍澳晉海兩房戶，由於兩人只有100萬元首期，樓價不能高於600萬元，只能將價就貨。其父譚爸爸說，因逾六百萬樓做不到八成按揭，兩個加埋揸住100萬首期，所以焗住買六百萬以下，若超過此水平便要借二按，息又貴。

「好在呢次Lucky啦， 39號叫頭籌，（晉海首批）600萬內得30至40個（供應），佢哋好辛運，就是呢30至40個之中一個，但要揀低層，高層都不夠膽揀，高層逾600萬上不會」，父親指他們設定樓價必須600萬內，逾600萬以上要畀四成首期。如果揀不到兩房，就要退而求其次一房，如果連一房都揀不到，就無啦，因抽到都不會買了，超過601萬都係上不到會，佢哋算係幸運。

今次買樓，兩人靠自己積蓄支付大部份首期，家人亦會幫少少。譚父說，「唔幫無辦法，佢哋收入係絕對夠供，兩個夾埋一個月都有六至七萬，不過出去做幾年都儲不夠首期，入門版都百五萬（細單位首期），所以DADDY不出手都不得。」

他的愛女與準女婿大學畢業後工作已四至五年，男方在港燈工作，女方做護士，兩人月入六至七萬元。兩人的起心肝儲錢這幾年，完全不敢亂使錢，只去過一、兩次旅行，一年只睇一、兩次戲。花幾年時間，終儲夠第一桶金上車。

對於目前樓價只升不跌，年輕人上車絕望。譚爸爸回想當年，「我嗰代只要勤力一定買到樓，做到九成按揭，我買太古城77萬，只是7萬首期。慶幸以前人工每年加4至5％，最初買樓比較辛苦，但之後加人工，你會供得好開心」。而家呢，樓價係咁升，但人工不升，令這一代年輕人好辛苦。尤其現在大學生月入中位數得萬零蚊，「所以我懷疑而家讀大學讀來做乜。」女兒又指，「我哋已叫做好啲一群」，但都咁難買樓，可見樓市的畸型。

面對今天的樓市，即將為人夫的李先生亦有話對社會及政府說，「其實我都屬於抽不到居屋人士，呢班人好慘，樓價高企，公屋無我哋份，居屋又無份，（準李太插咀稱，又要納稅）」，所以我們需要安排一些樓宇令我們負擔得起。」

樓價高得不合理，這一對年輕人今天對樓市所說的一切，也許代表着全港年輕人對難以置業的控訴。

以兩人的收入計算，目前其購入的晉海單位月供近1.9萬元，佔兩人入息兩成左右。

記者：朱連峰

蘋果財經，關心你飯碗
http://fb.com/appledailyatm