Rinspeed近年製作了不少狂野又玩味的車款，不過說到最神奇，相信非這輛sQuba莫屬。可能你會說潛水車在不少電影、動畫也見過啦，尤其印象深刻的是占士邦那部，但最神奇是這輛sQuba竟然是開頂設計，即是落得水，駕駛者和乘客都預咗會濕身，那怎樣呼吸？放心，有眼罩及氧氣罩提供。

影片由頻道Ridiculous Rides發佈，可看到這部靈感來自1977年占士邦電影《The Spy Who Loved Me》中Lotus Esprit的潛水車，而且更表演真正駛落水底。其實早於2008年，Rinspeed sQuba已經於日內瓦車展公開，以Lotus Elise為基礎製作，內外都經過大量改裝，以適合在陸上或水中移動。

而且這輛更加是道路合法用車，因為車上有齊頭尾燈，車內有安全帶，配備的亦是標準車用輪胎。為了在水中能潛行，車尾泵把部份左右兩邊都有螺旋槳推動，車門前方兩邊則有裝置用作轉向。車廂內用的物料都有快乾功能，加上沒有車頂，上水踩油吹吹風，車同人都爽晒。

錶板部份則改裝顯示潛水資訊，有速度也有深度，以及電量。而且車內有氧氣缸，還有一對氧氣罩，落水前戴好基本上就好像潛水一樣。至於為甚麼要開頂設計，就是為了減低車身重量。

這輛sQuba全電動，不過暫時未有打算要作量產，因為實際製作一部試驗車，都已經要用上150萬美元！不過就算量產，應該都未必有買家，占士邦都唔買啦，整濕個頭同件西裝，邦女郎唔like。

影片
https://youtu.be/rNLL0fo9apc

撰文：Michael

-----------------------------
$1000以下隱世秘湯 精緻地道料理一泊二食
《日本溫泉30》遊日必歎！
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇