「四爺」吳奇隆、「若曦」劉詩詩今日喺峇里島舉行婚宴，上午進行接新娘儀式，而今日嘅流程，唔知一對新人係咪計過時辰八字，所有儀式都係係好零丁咁喺「八」字尾嘅時間開始，真係夠晒好意頭。

好似噚日WelcomeParty，就係下午6點28分入席，今日嘅婚禮儀式，就喺下午5點08分喺AyanaSky舉行，婚禮晚宴呢，就喺傍晚6點28入開始，而AfterParty，就於AyanaVilla晚上10點28分舉行。

一對新人噚日向賓客送上貼心包，除咗有防蚊液、乳液，仲有地圖俾賓客睇到宴會舉行地點，等賓客唔使蕩失路，除此之外，仲有約400港元禮券供賓客在飯店使用，鍾意揀咩食都得。