當年今日
關於我們

【李八方online】教育局長唔得掂?青聯副主席都促暫緩TSA

蘋果日報 2016/01/11 06:00

青年專業聯盟李八方吳傑莊TSA

連建制派嘅青年專業人士都話要暫緩TSA,教育局局長認真唔得掂!青年專業聯盟今日趁特首梁振英發表施政報告前夕,開記者會就8大專業範疇提出24項建議,其中呼籲創新及科技局設立「跟投」基金,加大IT投入等都係穩陣之作,反而估唔到嘅係連佢哋都要求教育局暫緩TSA一年,唔通對吳得掂滿肚怨言?

八方問過身為召集人吳傑莊Johnny,佢冇特別評論吳得掂表現,但就話宜家嘅TSA安排,確實係有改善嘅地方,坦言身邊唔少家長朋友對此好有意見先代為發聲。

查實Johnny同時身任青聯常務副主席,IT界出身嘅佢去年底因為寫文批評八達通守舊兼不思進取,引嚟唔少人討論,甚至官媒《人民日報》都轉載過。唔知呢次官媒又會唔會代Johnny向北京轉達心聲?