女團T-ara嘅成員智妍，上周五喺龍山ETLAND樂天電影院，舉辦咗佢出道以來首場個人嘅簽名會。

由於係處女簽名會，所以智妍都好重視，佢係活動上着咗白色露臍T恤以及藍色短裙，大騷美好身材，吸引咗唔少粉絲現身撐場。

不過有眼利嘅網友就質疑有造假情況，係粉絲堆中，疑似有職業粉絲出現，佢哋話見到有幾位粉絲好熟口面，仲記得佢哋成日都會出席唔同明星嘅簽名會、握手會同見面會，言下之意就暗示智妍有造假之嫌，搵嚟職業粉絲到場谷人氣，有網友仲暗寸話，唔通韓國同內地嘅偶像團體都流行送免費飛？