一）受害人K：腳趾塞口 蹲浴缸遭3男尿射

「佢叫我用條脷舔另外3個演員腳趾，仲強行將腳趾塞入我個口。要我踎喺浴缸，俾人圍住用尿淋，好似人唔似人，好似一隻狗咁！」20歲的K，至今已被迫出席了6、7次拍攝活動，由於他性格單純、細膽怕事、反應亦較慢，故每次都成為被欺凌對象。

剛中六畢業的K，數個月前在網上找暑期工之際，透過交友App認識阿希，對方自稱製作人，正在找年輕男子拍攝有關性愛題材的影片，每小時可賺1,000元，K覺得可以做演員相當吸引，遂簽約一年，但上到酒店卻跟想像完全不一樣。拍攝時，阿希一直透過Skype向各演員發出指令，「例如講開始搞嘢喇、錫佢啦、舔佢全身啦！」

其間，見K聽話又不敢反抗，欺凌的行為越來越過份，令他感到最羞辱的是遭3個男子圍住屙尿。當時K被喝令蹲在浴缸，尿液根本就是「照頭淋」，「我唔願意，阿希就逼我，工作人員停晒等我，我覺得唔好意思，惟有照做。」其後，另一名演員不屑阿希所為，叫K不要再出席拍攝，K開始醒覺應該要拒絕，開始以不同藉口推搪，但卻遭阿希以毀約作要脅：「佢又粗口問候，又話會騷擾我家人，將片傳畀家人、朋友、公司，我好驚，瞓唔着，唔敢出去。」

其後，K公司的老闆竟收到一條性虐片，片中由另一受害人做主角，「老闆問我識唔識佢，又說影片內其中一人好似係我，我惟有不斷講唔知呀、唔知呀！」K曾到警署欲報案，但踏進門口一刻，想起阿希說找黑社會搞他，最終不敢報警。

訪問前一晚，K在facebook收到朋友傳來一條網址連結，「佢問條link入面係咪我？我唔敢睇，一直喺床碌來碌去瞓唔着。」他直言，家人本身不接受他是同性戀，若再發現他拍性愛片，肯定被趕出家門。現時他每日提心吊膽：「怕黑社會淋紅油，怕影片被公開，每日活在惶恐之中，不敢出街。」

二）受害人M：被幾個嘉賓選中 輪住要入B房

「阿希同我講：『你過去陪佢（觀眾）！』當時真係好委屈，但又唔敢走，佢要脅公開我啲片。」20多歲的M早前被公司裁員，在交友App認識阿希，當時他開出時薪1,000元的搵快錢工作利誘，又以「有得玩，有得食」、「好似參加派對咁」作游說，M不虞有詐應允。

估不到抵達酒店房後，要由中午12時拍至凌晨12時，全日共對逾20名對手，一進房間就開始拍攝，「以為好簡單，但原來好似拍TVB劇咁，要跟足佢指示，連沖涼都要俾人拍。」他為了賺錢硬着頭皮拍下去，沒想到，他偷偷問其他演員才得知無糧出，「10個有10個都話冇，有演員拍了2、3個月都冇出糧，我覺得好有問題。」

最令他驚恐是，當日有4、5名嘉賓表示對他有興趣，就各自帶他到B房，逼他進行性交易，阿希亦以他剛才所拍的影片威脅，但他不肯就範，事後，得知每人給予工作人員750元。

其後阿希得知他拒絕服務客人，反要求他賠償，M氣憤難平：「我當日原本賺1.8萬元，但佢要求賠錢1.2萬元。」他不但沒錢收，更被阿希24小時瘋狂追數，早午晚、三更半夜都打電話來，「又話限期前還唔到錢，會搵黑社會斬手斬腳，又話黑白兩道都識，又話會post啲相上網。」

在阿希恐嚇勒索下，M害怕得連夜失眠，但由於他沒半點積蓄，根本無錢償還，至限期來到，他兩名朋友果然真的收到其裸照及身分證相片，令他大感震驚，只好跟朋友解釋。現時他已報警求助，但警方未有拘捕行動，他惟有將阿希所有聯絡「拉黑」，斬腳趾避沙蟲。

三）受害人Y：拍下自慰片遭要脅 唔聽話下場會好慘

「佢會在相片加上一些字眼，如自甘墜落、做雞等人身攻擊，侮辱我！」Ｙ在交友App認識阿希，其後交換Line大家成為朋友，起初對方間中發一些演出時間表給他，其後更發了公司傳單叫他加入，「佢話背後老闆有10幾億身家，每月拿幾百萬出來拍攝，話老闆黑白兩道都識，甚至警務處長、中聯辦主任。」

阿希不斷以金錢作利誘，又指一個月可賺幾萬元，而且無需花太多時間，又可以免費去不同五星酒店玩。Y最終抵受不住誘惑，更對阿希深信不已，二人聊天期間，阿希更氹他拍一段約10分鐘的自慰片，稱可以賺到500元，Y因為「等錢使」，遂開Skype讓阿希拍攝。

2日後，Y在facebook 見到有人留言指墮入騙局，過程與他相當類似，「當時我好驚訝，唔通真係我嗰單，我喺IG搵到個演員，知道真係騙局。」原本答應阿希月底到酒店拍攝，Y藉詞推搪，起初阿希好言相勸，但到晚上開始作出威脅：「唔拍的話，下場會好慘，又寫下千字文通告，話有人唔合作，會搵黑社會搞佢，搵追數公司淋紅油，如唔想有此下場就要乖乖聽話。」

其後，阿希的威嚇手法不斷升級，先發了一張其他受害人的全裸相給他，並附有身份證、IG、銀行卡等個人資料相片，暗示如Y再不合作，其朋友和家人就會收到Y的裸照及身份證等相片。「好驚遲早下一個就係我！」Y根據那個受害人的資料找到其IG，發現真有其人，與對方對話後，得知他亦因不聽話而被阿希公開裸照。

阿希之後再給他60天限期，如Y拒絕到酒店拍攝，就會將其自慰片發給他的IG follower。「我好驚朋友睇到，驚佢哋會誤解，亦驚家人見到後，會覺得自己個仔點解變成咁樣。」Y越想越擔心，加上曾向阿希透露自己工作地點，「好驚佢嚟搵我，好無助，唔知點解決。」雖然他已報警求助，但警方暫未有進展，令他心急如焚。

Y為擺脫困局向阿希提出交涉，但阿希反要求他簽署終止合約同意書，並賠償1.6萬元，如在指定日期前未完成，會將其檔案交給老闆處理，更指老闆會找追數公司或黑社會，並列出8大手段，包括將Y的裸片發到各大社交平台及成人網站、每天寄裸照到其家，「直到你家人收到為止」、淋紅油、淋屎、淋鏹水，又恐嚇打斷他手腳，更警告「還有其他更加暴力行為」，更指「如果你最後揀咗一條不歸路，我只好送你一程！」

近日Y再收到阿希的恐嚇信息，當中附有兩段其他演員的性愛片段截圖，並向其揚言「我諗你都係唔見棺材唔留眼淚」，意指他再不賠錢就有相同的下場，令Y更加憂慮。

四）受害人J：目擊恐懼鬥「塞」 2日才排得出來

「覺得好變態，演員唔願意都要強迫佢哋照做，仲有人要入B房，覺得好似做鴨咁！」參與過酒店拍攝5次的演員J形容，這是「港版N號房」，跟韓國性侵案九成相似。20多歲的J坦言，當初參與拍攝純粹「for fun」，沒想到自己墮入騙局，並捲入這宗特大性侵案。拍攝過程全由阿希指使，每個演員要做甚麼動作，都聽從他臨場安排。

不介意「出櫃」的他直言，在同志圈要認識新朋友不容易，即使近年外界對同性戀看法比以往開放，但他們的圈子仍相當狹窄。他形容阿希正正看中了部份受害人的弱點，將他們玩弄於股掌之間。「好似皇帝翻牌子咁，睇中邊個，佢（阿希）就會安排我同佢約fun，唔使自己出去搵partner，夾100元左右有房玩，又有錢收。」J憶述，當初阿希就借此利誘他加入成為演員，更簽下了一年合約。

經過阿希評級後，按J的外形及樣貌等條件，將他定為「二線演員」，要做夠3萬元才可獲一次過出糧，但其後才得知其他演員亦從未出糧，「我上去（酒店拍攝）4、5次，原本糧單話賺到萬幾蚊，但不停俾佢扣，而家得返4、5千元，好似俾人呃咁，永遠都唔會去到3萬蚊，我覺得出糧根本係假嘅！」在過程中，阿希定下大量規條，違規的會逐一扣錢，例如食煙扣3,000元、遲到1分鐘罰30元等。最終J一毫子也沒收到，反而每次出席拍攝還要付500元，等同「貼錢打工」。

-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568