婆婆住逾半世紀小磡村寮屋 被指僭建遭地政署清拆
十大八新田公路清拆鄺俊宇小磡村
元朗新田公路旁的小磡村,住在該寮屋逾半世紀的80多歲梁婆婆,繼兩年前懷疑因原居民收地,不斷被滋擾,門外道路被車輛堵塞,梁婆婆居住的石屋、及所興建的豬欄,因被地政署批為違規,而一直未能獲發正式牌照。地政署今年3月貼出通告指要清拆梁婆婆的建築物,今日便到期,地政署派出工人及鏟車,今晨到梁婆婆家行動,梁婆婆家人遂向立法會議員鄺俊宇求助。
鄺俊宇到場表示,80多歲梁婆婆有心臟病,兩年前又被村霸滋擾,現階段婆婆與地政署因地權問題仍有爭拗,「但未曾傾掂之際,地政署今早便採取行動,清拆婆婆屋企範圍一些建築物,法律不外乎人情,婆婆年紀相當大,尤其有心臟病。」鄺到場了解事件後,希望地政署暫緩執法,他批評地政署「打橫嚟,附近好多地方都有貼咗通告話要清拆,點解其他唔郁,要郁婆婆呢間先?可否睇住婆婆年紀大份上,酌情處理。」他希望地政署了解清楚事件,能延期行動。
而梁婆婆則直指地政署不近人情,「都唔講道理,話拆就拆,冇理由咁唔講道理,係有通知我拆,我個仔話我聽,但冇咁嘅人情,你係度住,話拆就拆你,(點解要拆?)話我佔有呢度地方,政府地喎,以前呢度冇人住㗎,鬼影都冇隻,我一個人喺度住!」
地政署派員清拆寮屋外面的鐵絲網及圍板。(張家豪攝)