【爆相爆片】現年85歲的「六合彩之父」、吳君如爸爸夏春秋（冬叔）退休生活優哉游哉。讀者金先生日前透過本報「爆相爆片」分享一身型爆打扮的冬叔搭港鐵，由調景嶺到觀塘的相片。他戴上金絲眼鏡，拎着裕華國貨紙袋出動，享受長者兩蚊乘車優惠。金先生表示車廂中有乘客認出冬叔，還有人上前打招呼。

搶減價貨

記者前日致電冬叔，讚他當日戴「賊仔帽」配全身啡色打扮夠心思，他中氣十足說：「睇得雜誌多，老人家最緊要個心境唔好out，我又感染個女（吳君如）同女婿（陳可辛）啲着衫taste，阿仔（吳君祥）嗰啲好現代化，有次着件背心，阿仔就話老套，我接受意見，講民主。」
原來冬叔濕平愛國貨：「裕華始終係內地出，尺碼比較啱我。先施專賣歐洲嚟嗰啲，細碼都好大件，條袖長到似殭屍咁，你話着嚟做乜？」冬叔也精打細算：「通常減價嗰陣同人去搶。」冬叔喜歡戴帽：「我冇乜頭髮，要戴帽出街。」家中收藏不同款式帽子近六十頂。
採訪：王梓嫚