雙神配雞啄唔斷!發掘夜泥三駒 潛在贏馬機會唔細
主帥莫雷拉蔡約翰激賞旋風腿八心之友
雷神莫雷拉12月起擔任蔡約翰馬房主帥,三次賽事共贏三場頭馬,相信騎練及馬主們都感到合作愉快。
明晚(19日)八場泥地夜賽,雷神將會策騎五匹蔡廐馬上陣,而今朝(18日)試閘之後,兩人在飛機坪傾咗一段時間,跟住一同返馬房再傾,似乎騎練對今次賽事相當緊張,大攻勢一觸即發。
其中,第四場四班1200米「旋風腿」、第五場四班1200米「八心之友」及第七場二班1200米「激賞」,今季都曾經由祈普敦策騎,並在泥地賽事跑入三甲。