第一次聽「紮肚」，我只想到中世紀歐洲女士的束腰馬甲，又或者中國的紮腳。我以為那是女人「愛靚唔愛命」的受罪活動。

後來才發現，這不是單純扮靚，而是女人重生的法寶。

當女人生了小孩，身體構造有重大改變，膚淺的講法是「身材走樣」，醫學一點，便是「胸骨變大，盆骨變闊、臀部變寬、子宮擴大、內臟被迫壓移位、肚皮膨脹」……夠啦，即是你原本是黑寡婦緋紅女巫，但陀B時卻變成了綠巨人，你的身體又不是Iron Man的裝甲，如何承受？

為了女人的健康着想，需要產後紮肚。老婆生完第二胎已經紮了一次，但朋友幾個月前介紹另一間公司，FH Remodel。

「唔使啦，紮咗一次啦。」「信我，呢間好多明星幫襯。」

「唔使啦，我哋唔係明星。」「聽住！對老婆好D！試多次。」

你贏，這句說話打中了我。

老老實實，女人生仔元氣大傷，不論是外在身形還是內部結構，你就算買幾多名牌包包其實也補償不了……「老公，我係咪聽到有人會買包包啊？」咳咳，你聽錯，瞓啦﹗

這間紮肚公司非常老實，劈頭便說：「如果你單純紮肚而不做任何運動，係唔會無咗個肚腩。因為脂肪唔會紮得走，我哋令你肌肉收緊，紮番個形出嚟，但記住，減吋不減磅。」

老婆試紮第二次send了紮肚相給我。「老公，見唔見到？條腰的馬甲線真係出番嚟啊！」

嘩！若非我老婆係電腦白痴我會懷疑佢執咗相。

重點是，紮出健康。

老婆本來椎間盤突出，說也奇怪，或許紮肚會把腰腹脊椎修復原位，老婆紮完肚後，居然把腰椎問題也一併解決，抱B無難度！這是意料之外的收穫。

認真，如果我是女人，我會很高興男人送我紮肚療程，而不是甚麼豐胸botox；因為賞心悅目的外表，不如實實在在關心身體健康。