【賭馬講呢啲】直路內閃馬1檔起步 贏唔到冇得講(妙瞳)
塑料喜妙瞳賭馬講呢啲直路內閃馬1檔
上個賽日(23日)重點推介呂健威時,提過練者11月過後大跌watt,最近更嘗試派出馬房精銳部隊以挽回劣勢,但當日他依然無功而還。
「精算齊同」跑第三已經是最前名次,到了明晚(26日)呂廐再派出近排最銳的「陽明亮亮」,重臨上次跑出三班同程頭馬表現指數的谷草1200米,結果都要無運地抽11檔,真的是人算不如天算!
而第二場四班1650米之廐侶「紫電明珠」,原本威哥已扳大頭搵到蘇兆輝,務求靠騎功搭夠,點知十隻馬跑都要抽9檔,希望稍後踏入2019年,運氣可重臨呂健威馬房吧!
回說「紫電明珠」那場,前呂廐馬「塑料喜」今次抽得1檔,不論對這匹慣性直路內閃馬,還是一向有欄跑得特別好的蔡明紹,都會帶來莫大幫助。
「塑料喜」今季初出仍以呂廐馬身份出戰谷草一哩,早段刻意搶頭走得太急,前段同是跟前而較後過終點的「快利寶」及「悅目星光」,其後分別在同程贏馬,可見「塑料喜」這席季軍絕不簡單。
上仗「塑料喜」轉丁廐初出,不幸抽11檔全程被迫外遊兼掟大彎,可當無跑過,今次休足個半月養好體力兼抽得1檔,此乃「塑料喜」贏馬黃金機會。