莫雷拉轉赴日本發展，大眾預期今季潘頓在港獨大，但這位上季冠軍騎師，今季只贏5場，而有11次亞軍，可見搏殺失手但戰意如虹。

今次日賽（16日）潘頓只騎七駒，其中尾場騎蕭家名下的「滿地可」，有力食尾糊。

第十場二班1000米，雖然呢場二班賽的最高分馬只是95分，但參賽馬普遍質新兼且在進步中，具二班頂甚至一班尾水準。

方嘉柏馬房「滿地可」周歲時拍賣價高達67萬5千澳元，折合約400萬港元，皆因其母Cirque Du Soleil與一級賽盟主兼成功種馬「燈塔島」同父同母，母系血統具配種價值。

「滿地可」的身形粗壯，亦有「燈塔島」一族的型格特徵，是一匹典型的短途馬，性能如已退役的「甜將」。

「滿地可」在澳洲四戰三勝，來港編76分未能完全反映實力，肯定仲有大把進步空間。上季第二次在港上陣，跑直路賽輕取對手兩又四分一馬位，更造出55秒43快時間。今季五歲表現更收斂，9月7日試1050米泥閘，一放到底勝出，終點後走勢仍勁，狀態已達爭勝水準，今場有力食尾糊。

「有理共想」上仗蝕分跑特首盃，亦能夠後上得第三，表現持續進步，如今降班跑有著數，強手已去，有權爭勝。

「加州福星」上場跑特首盃得第四名，快放至最後二百米才力弱，走勢比預期好，熱身開氣後，今場應有更佳的演出。

「錶之寶寶」每跑一仗都有進步，More Than Ready子嗣今季四歲會有好，宜跟進。