【本報訊】家禽業代表跳海示威兼大鬧議事堂，全因他們認為政府與商家聯手把業界「陰乾」，代表漁農界的立法會議員黃容根昨在立法會批評政府實施中央屠宰，想法與由城中地產商出資成立的「H5N1關注組」不謀而合，質疑有官商勾結；有業界人士更直指實施中央屠宰是明益超巿及地產商。
黃容根說：「唔係淨係聽微生物學家嘅意見，佢哋咁樣係爭取研究資金，最近成立嘅H5N1關注組，啲捐款人唔係一般巿民，係大地產商，咁樣係咪官商勾結？令我哋覺得有好大嘅陰謀，想趕業界離場。」

「賣冰鮮雞唔夠超巿爭」

港九新界家禽批發零售商會主席黃偉泉昨直指，政府的長遠目標是迫走家禽業界，「到時啲人個個唔養雞，啲地政府拎去賣唔係益你，唔會益我，梗係大地產商啦，到時如果賣冰鮮雞，我哋實唔夠超巿爭，到時益咗邊個呢？」
香港活家禽批發商商會會徐名團則指關注組有背後利益，「咁樣迫我哋走都係想將新界啲地，發展成高樓大廈啫。」
H5N1關注組一月底成立，資金來自多位富豪，包括電盈主席李澤楷、恒基地產主席李兆基、李嘉誠基金會資助的汕頭大學醫學院與香港大學醫學院聯合流感研究中心。
H5N1關注組召集人、立法會議員鄭經翰指業界的說法「上綱上線」，「你驚做冰鮮雞益咗超巿，係你自己唔爭氣啫，街巿污糟邋遢濕𣲷𣲷，點解你唔搞間合作社抗衡啫，我幫你搞都得㗎喎！」