本報先後接獲多位候車乘客投訴稱,廣東道舊水警總部工程地盤外設置圍板,包圍整幅工地,圍板佔用部份行人路,以致候車乘客眾多時,被擠出馬路,人車爭路,十分危險。
下班後需往該處乘搭巴士返家的趙先生稱,自從去年底地盤設置圍板,他到地盤外巴士站候車時,便需小心翼翼。
「起咗圍板之後,巴士站連行人路就剩番幾呎闊;尖沙嘴係商業區,好多人放工都會喺嗰度等巴士返屋企,個站有成6條巴士線,一到放工時間,巴士站就迫滿人,多人到企都冇位企,被迫企落馬路等車,真係好危險!嗰度重有條去機場嘅巴士線,乘客嘅行李都唔知應該放喺邊!」
共同商討解決辦法
乘客陳先生亦不滿巴士站的安排,「嗰度條路原本已經唔係闊,政府就唔應該畀佢起圍板啦!一係就將巴士站搬去第二啲地方。」
在上址設站的九巴及城巴均向本報表示,已就巴士站擠迫情況,向運輸署反映。
九巴指出,九巴只是其中一個使用者,因此必須與運輸署及其他巴士營運商,共同商討解決辦法,務求改善巴士站乘客候車情況。
城巴亦表示,現正與運輸署商討改善巴士站擠迫方案。
運輸署回覆本報查詢稱,為配合廣東道舊水警總部重新發展計劃,承建商在地盤設置圍板,分隔行人路及工地。由於受地理環境影響,該處行人路面在設置圍板後,約闊1.7米,已符合行人路面1.5米闊的最低標準。