西布朗今季英超主場首戰就不敵愛華頓，周日面對升班馬米杜士堡，渴望打開主場勝利之門的決心十足，奈何上半場把握力平平，空有較多攻門仍然沒法爭取入球；主隊仍然以委內瑞拉國腳荷西朗頓為單箭頭，占士麥堅恩及森菲特等後上支援，左翼占士麥堅恩上半場較為活躍，但12分鐘勁射逃不過米堡門將巴特古辛十指關。

由愛華頓轉投西布朗的左後衞加路維，助攻能力亦強，不過他多次傳中，荷西朗頓均未能轉化為入球。米堡以前曼城前鋒尼格度為柱躉，但中後場較為保守，達寧及加斯頓拉美利斯等後上支援較慢，尼格度孤軍作戰下，就算有一、兩次個人突破機會，但始終難以一己之力攻破主隊防線，雙方忘帶射門鞋下，半場和0:0。
換邊後雙方刻意加強防守，到肉埋門更少，西布朗有中場馬菲菲臘斯施放冷箭，不過未能命中目標，後衞奇治戴臣接應角球近頂，可惜僅僅斜出，米堡右中場史杜安尼窄位施射，又被主隊門將賓科士打沒收，最終互無紀錄下兩隊各得一分，西布朗開季勝和負各一累積四分，米堡則成唯一保不敗身的升班馬，開季三戰一勝兩和。
文：牽牛