Toby噚日接受商台電話訪問否認佢哋拍拖,佢話:「其實我同三哥係好close,所以得閒無事都會拖吓手,好care大家,過馬路都會搭膊頭、拖手咁,佢就好似我契爸爸咁,我哋未上契,但一見面都會叫爹哋,佢又會叫我阿女。」
提到屋企人對呢件事嘅感覺,Toby話:「家人初時有啲shock(震驚),但都冇乜嘢,知道我當佢係爸爸。我哋其實好快已經投入咗套劇,佢係我爹哋,好錫我,有時我一家人都會同三哥三嫂一齊食飯。」佢仲話已經聯絡三哥三嫂,三嫂反過嚟安慰佢㖭,Toby話:「其實我諗我始終係鬼妹仔性格,我諗我會避忌吓。」
噚日喺廣州公幹嘅苗僑偉,同馮仁昭傾長途電話時就解釋:「我哋成家同Toby一家人好熟,我拖住佢,同爸爸拖住個女出街有乜分別?我都知啲周刊炒作新聞,但唔好太過份囉。」