【楚雲聲】食得是福！「為食格格」變咗一隻大碼BB（Cloudy）
蘋果日報 2019/09/30 20:40
Cloudy楚雲聲為食格格大碼BB
為食格格上仗試準後勁
有得小休幾日，我可以攤長啲工夫嚟做，邊玩邊食邊做功課，輕輕鬆鬆做準備。心情愉快就胃口好，仲大條道理話咩「秋收冬藏」，一日食足四餐，祭到「五臟廟」香火鼎盛。
心廣之後體胖之前，我份排位功課畀同伴好快手咁油咗，聽日（10月1日）第二場四班1200米「為食格格」嗰格。我塊面當堂黑過包公，仲即刻要證明佢係一隻唔錯嘅馬，哼！
「為食格格」作為一隻大碼BB，暑假過後進步好大，仲壯身咗唔少。熱身之戰留後悠悠閒，冇得一鼓作氣咁衝返嚟，都照整個大大步瘋狂末段，圈起佢！
「為食格格」照踱照操，兼且再收啲身，今次有個3檔，唔使咁後追，好跑好多，支持支持「蘇蘇WP（獨贏及位置）」。
最緊要係同場大部份對手未醒，好樣啲嘅「猴王駒」跑完谷草之後又冇形勢，「紅旺」贏閘換潘頓又肯定熱，留嚟做Q（連贏）、QP（位置連贏）腳算啦！