41歲四洲太子女戴凱欣上月9日與34歲內地金融才俊樊林爽在上海完婚,昨日在灣仔君悅酒店辦結婚酒會,三屆特首林鄭月娥、梁振英、董建華畀面到賀,還有一眾高官名人袁國強、范徐麗泰及高永文等。
千億新娘着低V紫色晚禮服拖老公受訪,手上戴齊紫藍色結婚戒指和重2.17卡求婚鑽戒,而鑽石頸鏈及耳環就是母親送的嫁妝,問到幾時生小朋友?戴凱欣坦言:「都想明年,自己都好習慣婚姻生活,同老公都係咁sweet。其實7月喺香港已經搞咗接新娘,姊妹要佢用廣東話讀愛的宣言,佢歪歪哋音,好搞笑。」問到最流利的廣東話?樊林爽即望着老婆:「我愛你。」