熱刺禮拜二晚喺歐聯分組賽作客逼和巴塞隆拿1:1，驚濤駭浪之下以B組次名出線16強。早前曾經心臟病發嘅前英格蘭中場荷杜就講笑話，睇場咁嘅波對佢嘅康復係完全無幫助。

荷杜喺Twitter發推文話「咁對我嘅康復真係無好處，但係球員真係踢得好，甚至係值得贏波！」今次係荷杜自從上月底心臟病發之後，第一次喺社交網站出文。荷杜以前效力熱刺嘅時候贏過兩次英格蘭足總盃同一次歐洲足協盃，係當代英國球壇公認嘅好波之人。

熱刺喺禮拜二晚場波憑盧卡斯莫拉喺完場前五分鐘嘅入波，以1:1逼和巴塞，壓過國際米蘭喺歐聯B組以次名晉級16強。

--------------------<br />新球季，新陣容！利物浦 FC 18-19季球星進駐《BFB》！立即帶領紅軍，踏上登頂之路！ http://bit.ly/2oQObi1 

--------------------<br />《體蘋果》陪你睇波講波<br /> https://www.fb.com/appledailysports 

熱刺逼和巴塞歐聯晉級 荷杜：睇咁嘅波對身體健康無幫助