替參與滙豐控股(005)供股的擁躉計計數，當日滙控供股價28元，家陣現價77.10元，即係呢一次供股，回報達175%，按金額計，每手股份可以賺到19640元，回報算係相當唔錯。
金融海嘯之後，滙控畀散戶印象和以前不同，未知當日參與供股的散戶仲有幾多人未沽貨，滙控今日派成績表，如果冇驚喜，可能有人睇完份業績後就會考慮沽貨。
中央大力發展清潔能源，部份傳統重量級電企亦表明會加強有關投資。華潤電力（836）最近宣佈，於2011年前，將投入100億元人民幣發展新能源業務，除了一直有發展的風電及水電項目以外，太陽能及垃圾發電將係未來主打研究項目。